اغلي هدف له مع الاهلي .. رأيه في بن شرقي – بعض تصريحات محمد بركات مع سيد عبد الحفيظ
بعض تصريحات محمد بركات لاعب منتخب مصر السابق في بودكاست القلعة الحمراء مع سيد عبد الحفيظ ….
محمد بركات متحدثاً عن ظهوره في اعلان استاد الاهلي :
” أنا سعيد بوجودي في الاعلان وشرف كبير ليا، ودايما اتعودنا مع الاهلى على العظمة ، لما ظهرت في الاعلان حسيت بتقدير كبير من النادي الأهلي، وخصوصا انه بيديلك رسالة انه بيقدر كل نجومه اللي تعبوا مع النادي ”
واضاف ايضا ” لو هختص واحد من الكباتن اللي كانوا في الإعلان هقول أبو تريكة ، أبو تريكة انسان عظيم جدا وعمل كتير في تاريخ الأهلي ومصر ”
واكمل حديثه ايضاً عن محمد ابو تريكة :
” أبو تريكة من الشخصيات العظيمة المؤثرة في تاريخ مصر والنادي الاهلي شوف الناس بتتكلم عن تريكة جوا الملعب ازاي ولكن برا الملعب أحسن بكتير وبيحب الخير للجميع، تريكة صاحب صحبه وجدع وكل حاجه ووحشني بصراحة، بقوله انت وحشتني ووحشني كل لمساتك اللي كنت بتعملها في الملعب
وتحدث عن طريقة لعب أبو تريكة معه :
” كان دايما بجريلك على المغمض وكان يباصيلي على المغمض، وأي حد في ثانية توديه للجول، أبو تريكة وقف جمب الأهلي في أوقات صعبة كتير ووقف معانا كلاعيبة في أوقات صعبة كتير برضو ، كان دايما بيحاول يساعدنا كلنا ”
وافصح عن اغلي هدف له مع النادي الاهلي :
” افضل هدف ليا هو الهدف التالت في نهائي افريقيا 2005 قدام النجم الساحلي، كنت أول مرة ابقى عاوز الماتش يخلص عشان اروح البيت اتفرج على الجون، وطبعا جول الـ 3/3 قدام الزمالك ده ميتنسيش ”
وردا علي سؤال سيد عبد الحفيظ له من أهم صفقة للأهلي الفترة الأخيرة من وجهة نظره :
” هي دي محتاجة سؤال ؟ كل اللعيبة الجديدة شاركت بشكل كويس بس “بن شرقي” في حتة تانية صفقة من العيار الثقيل “
